MEYERTON. – Volgens CERT-Sa, ‘n nie-winsgewende organisasie wat nood mediese sorgdienste en reddingsdienste in noodgevalle bied, was die Midvaal-brandweer reeds besig om die dak, wat in daardie stadium in vlamme was, te blus toe hulle na 12:30 by die toneel aangekom het.

“Gelukkig was niemand tuis toe die brand ontstaan het nie. Brandbestryders het op die toneel gebly tot die brand geblus en alles onder beheer was,” lui ‘n uittreksel uit ‘n verklaring deur CERT-Sa.

Ongelukkig het die struktuur van die huis ernstige skade opgedoen en kon die gebou nie gered word nie.

Volgens betroubare bronne kon een kar, twee motorfietse en meeste van die garage se inhoud gered word, maar die inwoners het baie in die tragiese voorval verloor.