Prime drankies laat behoorlik die koppe spin
Dis duur, redelik skaars en het SA soos 'n orkaan getref! Ons sien dit skielik oral en dit laat behoorlik jou kop spin ... waaroor gaan dit alles? Hier is so bietjie meer agtergrond.
Prime is ‘n reeks sportsdrankies wat deur die YouTube sensasies Logal Paul en KSI ontwerp en bemark word. Hulle was voormalige teenstanders in die bokskryt voordat hulle kragte saamgesmelt het.
Dit is reeds in 2022 in Amerika vrygestel en danksy die gewilde YouTubers (wat gesamentlik met meer as tien miljoen volgelinge spog) het dit vinnig ‘n sensasie geword.
Dit is ook die amptelike geborgde drankie van die LA Dodgers (bofbalspan) in die VSA wat dit nog verder bemark het.
In Suid-Afrika het Checkers dit te koop op sy rakke aangebied en dit het soos soetkoek verkoop. Ouers met hul tieners het by sekere sentrums in rye gewag dat die ketttingwinkel sy deure Maandag oopmaak sodat daar van die drankies gekoop kon word.
Die Prime Blue Raspberry Hydration Drink 500ml word so geadverteer: On-the-go goodness packed with blue raspberry flavour, this invigorating hydration drink is the perfect boost to replenish, refuel and refresh. It contains 10% coconut water and is a source of B vitamins and antioxidants.
Dit het by Checkers uitverkoop.
Behalwe dat dit vrek duur is, R40 vir 500ml, is baie nie so beïndruk as wat hulle gedink het hulle sou wees nie.
Op sosiale media word gesê die drankies het ‘n baie lekker soet nasmaak, maar daar was ander wat reken Oros is lekkerder.
Lees wat dink plaaslike inwoner Angelique Jacobs en haar vriend van die drankie:
Dan was daar ook gerukgte dat die drankies baie ongesond is, maar Prime waarsku darem dat die energiedrankie 200mg kafeïene in elke 355ml botteltjie bevat. Dit word nie aanbeveel vir kinders onder 18 nie, asook nie vir swanger vroue of mense wat sensitief is vir kaffeïene nie.
Die Prime Hydration drankies is egter kaffeïene-vry.
In kort – in my beskeie opinie – kom dit daarop neer dat dit ‘n moeilik bekombare drankie is, wat mense natuurlik daarna laat smag om dit in die hande te kry. Dit is soos enige ander energie drankie op die SA mark – duur, nie so lekker soos gewone koeldrank nie, en ongesond as jy te veel daarvan drink.
Maar ja, mens sal dit seker self moet drink om regtig te besluit of dit nou alles die moeite werd is of nie.
Daar het soos gewoonlik vinnig grappe op sosiale media verskyn:
Ons kan ook mal wees en k@k verkoop! Niks great vir slegs
R485 vir n single shot en R920 vir n double shot!
