‘n Jong man van Vanderbijlpark, Philip Badenhorst (21) en ‘n vriend was Sondagoggend in ‘n motorongeluk in Minnaarstraat, Sasolburg betrokke. Philip het baie seergekry en sy kakebeen is onder andere sleg gebreek. Hy moet baie dringend ‘n operasie ondergaan om infeksie met nog ernstiger gevolge te voorkom.

Ongelukkig het hy nie ‘n mediese fonds nie. Volgens sy ma, mev. Lily Badenhorst, het hulle intussen kontak gemaak met ‘n wonderlike chirurg wat gereël het dat ‘n operasie teen ‘n verlaagde koste van R50 000 gedoen kan word, in plaas van die normale R140 000. Die operasie is nou geskeduleer vir moreoggend, maar dit sal net kan plaasvind as hulle betyds die R50 000 kan insamel.

Danksy vrygewige skenkers is sowat R30 000 reeds ingesamel, maar hulle probeer nou hard om vandag die res in te samel. As enigiemand kan help met ‘n skenking kan ‘n EFT gedoen word na: Bank: FNB/RMB, Account Holder: Lily Badenhorst, Account Type: FNB Fusion Premier Account, Account Number: 62558815696, Branch Code: 250655. Hou Philip asseblief in julle gedagtes en gebede. By voorbaat baie dankie aan almal wat ‘n donasie maak.

Lees Philip se Back-a-Buddy blad hier: https://www.backabuddy.co.za/champion/project/philip-badenhorst-5592880301359711060