*ArcelorMittal Atletiekklub se Comrades-veteraan Malie van der Walt het ‘n eerste plek in haar ouderdomskategorie (vroue, 60+) behaal.

Malie het vanjaar haar 29ste Comrades in ‘n tyd van 08:42:37 voltooi en sodoende nog ‘n Bill Rowan-medalje verower.

*Helene van Rooyen, ‘n atleet van Meyerton Atletiekklub, wat verledejaar met haar eerste probeerslag 67ste in die vrouewedloop geëindig het, het hierdie jaar selfs beter gevaar.

Helene het hierdie keer in ‘n fenominale 24ste plek geëindig en was een van slegs 25 vroue wat die wedloop in onder sewe ure kon voltooi.

Haar tyd vir vanjaar se Comrades was 06:57:41 en is ‘n verbetering van meer as ‘n uur op verlede jaar se tyd van 08:10:04.

Helene het vanjaar die gesogte Isavel Roche-Kelly-medalje ingepalm. Die medalje gaan aan vroue wat buite die top 10 klaarmaak en die wedloop in onder 7 uur en 30 minute kan voltooi.

Helene het ook haar Back-to-Back-medalje verdien. Laasgenoemde medalje word toegeken aan nuwelinge wat hul eerste en tweede wedlope agtereenvolgend voltooi.

*Die Vaaldriehoek spog ook met een van die jongste atlete wat hierdie jaar se wedloop voltooi het.

Marelize la Grange (20), ook van die Meyerton Atletiekklub, het hierdie jaar haar eerste Comrades in ‘n tyd van 11:38:19 voltooi.

Sy het so rapsie voor haar pa Phillip klaargemaak.

Hy het die wedloop in 11:45:27 voltooi.

*Weet jy van nog iemand wat ‘n noemenswaardige prestasie of mylpaal by vanjaar se Comrades behaal het? Laat weet ons gerus by [email protected]