Die Vrystaat Varswater Oewer Hengelvereniging se jaarlikse prysuitdelingsfunksie is onlangs net buite Welkom op die gasteplaas De Rust gehou. Hengelaars van die Hap en Kap-hengelklub in Sasolburg het verskeie medaljes en sertifikate ontvang.

Tydens die prysuitdeling is hengelaars in die Vrystaat beloon vir hul prestasies bo blubvlak gedurende 2022. Maar dit was oupa Johan Pieters en kleinseun Meandro Pieters wat die kollig gesteel het.

Die hoogtepunt (en geskiedenis wat gemaak is) was toe oupa Johan en kleinseun Meandro as die Vrystaat Varswater Oewer Hengelvereniging se Sportsterre 2022 aangewys is.

Johan Pieters was deel van die Vrystaat Meester B-span wat ‘n goue medalje verower het. Hy was ook in die Vrystaat Veterane A-span opgeneem. Hy was ook gekies vir die SAVOF veteraan A-span.

Michael Meyer en Meandro Pieters het erkenning gekry vir die ‘n eerste plek behaal by o/13 junior Vrystaat Kampioenskappe met Meandro algeheel eerste. Michael en Lex Jordaan behaal ook ‘n tweede plek in die ligafinaal met Lex algeheel tweede.

Meandro het ook deelgeneem aan die SA Kampioenskappe as lid van die o/13 VS juniorspan. Die span het ‘n goue medalje verower en Meandro het die algehele tweede plek behaal. Hy was ook gekies vir die SAVOF junior o/13 span.

Leon Meyer het erkenning geniet vir sy optrede as Hoofbeampte by die Vrytstaat Kampioenskappe en ligafinaal.

Marius Crous was deel van die Vrystaat Meester C-span. Die span het ‘n silwermedalje verwerf met Marius algeheel in die tweede plek.