Valia-leerlinge met harte van goud
VEREENIGING. - Eurekaskool se Spesiale Sportdag is verlede Vrydag by die skool gehou, en leerlinge van HS Transvalia was daar om die deelnemers te vermaak en medalje's uit te deel. Loer gerus na die spesiale oomblikke op kamera vasgevang.
Die sportdag was soos gewoonlik weer een vir die boeke, propvol hoogtepunte en emosionele oomblikke.
Leerlinge van 10 spesiale skole het aan die Spesiale Sportdag deelgeneem. Die volledige berig hieroor verskyn die week in Vaalweekblad (Vrydag, 1 September).
Wat egter opvallend was op die dag, was hoe die Valia-leerlinge die deelnemers met deernis hanteer het. Die ouers van dié leerlinge kan trots voel, so ook HS Transvalia. Sulke jongmense gee mens sommer moed vir die toekoms.
Knap gedaan!
Eurekaskool maak gebruik van die geleentheid om die Valia-leerling en die borge wat die dag moontlik gemaak het te bedank:
NWU-Vaal, Lynca Meats, CBI Electric, Security Mecca, Progress Café en Fouché Motors. Ontvang Eurekaskool se opregte dank en waardering.
‘n Groot dankie ook aan MooiVaal Media vir al die mediadekking.
Die Personeel van Eurekaskool het weer alle verwagting oortref. Dankie vir elkeen se bydrae tot die suksesvolle dag.
Foto’s: Elsje Vermeulen
