Dominee Chris nou beter bekend as Sjef Chris
VEREENIGING. - Ontmoet sjef Chris Olivier, voorheen bekend as dominee Chris van NG Drie Riviere Oos. Want as jy 'n weddenskap verloor moet jy maar uithaal en bak.
Kwota wat behaal moet word: 800 cupcakes!
Die groot gebak het Donderdag oggend om 05:00 begin. Sjef Chris was darem bygestaan deur Jaco Pieraar (die kerk se Jeugwerker).
Die twee manne het die gemeente onlangs uitgedaag met ‘n weddenskap dat indien hulle verlede jaar se basaarwins van R232 000 verbysteek, hulle cupcakes vir die gemeente sou bak.
Die gemeentelede het voluit gegaan en ‘n allemintige R240 000 wins gemaak – en siendaar die manne moes kombuis toe.
Vir twee mans wat nog nooit voorheen cupcakes gebak het nie, het hulle hul goed van hul taak gekwyt.
Die cupcakes is selfs pragtig versier, en daar kan uitgesien word na liplekker bederf na Sondagoggend se diens.
BELANGRIK: Sjef Chris het die (bak)handskoene ingegooi en is nou weer dominee Chris.
