Help belowende landloopatleet om in Gqeberha te kom
Sy is baie goed met landloop, maar haar ouers beskik ongelukkig nie oor die finansiële middele om die volle koste van die toer by te bring nie.
MEYERTON. – Maruzé Marais, ‘n belowende jong landloop-ster van die Vaaldriehoek, is gekies vir die Vaaldriehoek-landloopspan wat eerskomende naweek aan Atletiek Suid-Afrika (ASA) se nasionale kampioenskap in Gqeberha gaan deelneem.
Die Suid-Afrikaanse landloopkampioenskappe vind Saterdag 16 September 2023 by die Nelson Mandela Universiteit in Gqeberha plaas en ‘n handjie vol atlete van die Vaaldriehoek is gekies om teen die land se beste landloopatlete mee te ding.
Annake Marais, Maruzé se ma, sê hoewel haar dogter baie goed in landloop doen kan haar ouers ongelukkig nie die reis en onthaalkoste self bybring nie.
“Sy hardloop nou 16 September in Port Elizabeth en ons het gehoop ons kan ‘n borg vir haar kry. Ek ken ongelukkig nie baie plekke wat kan help nie,” sê Annake.
“Ek wil vir almal wat ‘n bydra gemaak het dankie sê. Ons waardeer dit baie,” sê sy.
Mense wat kan help kan vir Annake direk by 079 837 4571 skakel.
Haar bankbesonderhede is as volg:
Rekeninghouer: Mev. A.C.E. Marais
Bank: Capitec
Rekeningnommer: 1617361621
Universele takkode: 470010
