VANDERBIJLPARK. – Emfuleni munisipaliteit het laat weet dat water in Vanderbijlpark en omgewing vanaf 14 September tot Maandag, 18 September afgesluit gaan word.

Daar moet herstelwerk gedoen word aan ʼn 1075mm beton klep wat lek.

Nadat die herstelwerk afgehandel is, sal dit ook ʼn paar dae neem vir al die reservoirs om weer vol te loop.

Verbruikers word gevra om vroegtydig water vir huishoudelike gebruik te stoor.

Die munisipaliteit het in ʼn amptelike verklaring gesê dat water tenkers oral beskikbaar sal wees.

Die amptelike tye wanneer die water tenkers beskikbaar sal wees is nog nie bekend nie.

Daar is wel bevestiging ontvang dat skole, hospitale en klinieke vanaf Woensdag water sal kry en dat hul elke dag eerste water sal ontvang.

Die volgende waterpunte is reeds bevestig:

CW1/CW6 NG Moedergemeente by oop spasie naby verkeerslig

CW2 Shell Vulstasie, Becquerelstraat

CW3 Killarney Hotel, Siemens Straat

CW5 Stephenson Spar, Stephensonstraat

CBD/CE1/CE6, Biblioteek in die dorp

CE2/CE3/CE4 Artemis Spar, Evereststraat

CE5 Langs die substasie, hoek van Westinghouse Blvd & Petterstraat

SW1/ SW2/SW5 en Mantevrede by Vaal Mall

SE1/SE2/ SE7 by Palms Mall

Vaalweekblad sal verdere inligting deurlopend verskaf soos dit ontvang word.