Stemkans vir Vaalweeklad se Beauty and the Beast matriekafskeid-kompetisie het Maandagaand, 27 November, gesluit.

Nou is die groot vraag: Wie is die finaliste? Moenie hierdie week se Vaalweekblad (1 Desember) misloop nie.

Die matrieks wat ingeskryf het se foto’s het die afglope week op Vaalweekblad se Facebook verskyn, waar mense as deel van die stemproses die foto’s kon “like” en “share”.

Dié stemme wat deur hierdie proses gewin is, dra 50% by tydens beoordeling. Onafhanklike beoordelaars sal daarna die algehele wenners bepaal.

Behalwe vir die kans om in die koerant te verskyn, is daar ook R500 kontant vir die wenner in die “Beauty-afdeling” en R500 in die “Beast-afdeling”.

Let asb. ook daarop dat slegs leerlinge wat vanjaar in matriek in plaaslike hoërskole is, vir die kompetisie kon inskryf.

Die algehele wenners sal in die laaste uitgawe van die jaar (15 Desember) aangekondig word. Net betyds vir die wennerws om hul prysgeld te kry en sodoende hul vakansiefondse ‘n hupstoot te gee. Daar sal ook ‘n volle “feëverhaal” en ekstra foto’s oor die wenners verskyn.