Dit wou voorkom of alle paaie op 2 Desember na die skougronde gelei het vir die laaste byeenkoms van die jaar.

Toeskouers moes herhaaldelik deur die loop van die aand gevra word om op te skuif en plek te maak op die pawiljoene.

Om die aand net so bietjie interessanter te maak was plaaslike Tik-Tok sensasie, Chuck Kaaswors van Vanderbijlpark, ook daar.

Hy het so bietjie sy spiere gebult en sy karate-stokkies (nunchaku sticks) geswaai en laat waai met die skoppe tot groot vermaak van toeskouers.

Na die optog om die baan was dit die renjaers se beurt om vir die vermaak te sorg.

Daar was meer as genoeg aksie in die onderskeie klasse en die Legends wat op uitnodiging op die ovaalbaan deelgeneem het, was die kersie op die (krismis) koek.

Die uitslae van die aand is:

Legends
1. Cyril Jacobs (snr.); 2. Cyril Jacobs (jnr.) en 3. Roelf du Plessis.

Ninja Migets
1. Liam Potgieter; 2. Alijandro Seiros en 3. Ronaldo Seiros.

StockRods
1. Wouter van Aardt; 2. Pedro Hand en 3. Ewald van Straaten.

1660cc
1. Melvin Fourie; 2. Alexander Thesner en 3. Johan du Plessis.

2L Hotrods
1. Gavin Botha; 2. Tokkos Joubert en 3. Riaan van Dyk.

Super Saloons
1. Tinus Smith; 2. Johan du Plessis en 3. Grant Fitzgerald.

Sprints
1. Stefan Fouche; 2. Izak Spies en 3. Johan Spies.

Junior Ontwikkeling
1. Matthys van der Merwe; 2. Keagan Hand en 3. Willie le Roux.

Nog van die aand se aksie. Foto’s: Elsje Vermeulen