VANDERBIJLPARK. – Met stringe goue medaljes om hul nekke het die dansers van Danceworx mens onwillekeurig laat terugdink aan die oordadige juweliersware wat Mr. T van die A-team in jare tagtig gedra het.

Elrine Kotzé en haar ‘A-team’ (Loraine Beukes en Caitlin Peach) het Saterdag in die Curro privaatskool se saal Danceworx se jaarlikse ‘Bigg Bragg’ aangebied.

Die dansers het ‘n vertoning gelewer wat die toeskouers op ‘n sensoriese avontuur van kleur en klank geneem het. Na die prysuitdeling aan die einde van die vertoning het die medaljes soos beesklokke weergalm terwyl die presteerder heen en weer oor die verhoog beweeg het.