Dis ‘n lekker gebad en borsel by Vaalpets
Die Vlooi En Bosluis Taxi (Mobile Doggy Grooming Service) se jaarlikse Doggy Wash-projek by Vaalpets is volstoom aan die gang. Kyk hoe geniet die viervoet "inwoners" dit.
Elke Januarie begin Die Vlooi En Bosluis Taxi die jaar met dié liefdadigheids-projek by Vaalpets. Hulle doen dit reeds sedert 2019.
Irene Britz (eienaar), haar man Christoff en die res van hul span vir die projeik (Jessica Taylor, Geraldine Eckley en Mieta Nelson) het Maandag met die projek afgeskop.
Hulle sal hierdie week so net onder die 300 honde bad, dip en borsel.
Vaalweekblad het Maandag gaan inloer en dit was duidelik dat die honde die lekker bederf sommer baie geniet.
Party se oë het toegegaan van lekkerkry, terwyl ander lekker verspot rondgehardloop het na die bad.
In kort, as jy lief is vir diere sou jou hart warm geklop het.
Dit sal hoog op prys gestel word as inwoners die projek wil ondersteun deur R20 per hond te borg.
“Ons vra diereliefhebbers om hul harte oop te maak vir ‘n goeie doel. Die fondse wat ons invorder word net so gebruik om kos vir Vaalpets te koop. Maar jy hoef nie net geld te gee nie, enige ander donanies soos kos is ook welkom,” sê Irene.
Hulle bedank almal wat reeds die projek ondersteun.
Belangstellendes wat meer wil weet oor die projek, of ‘n bydrae wil maak kan Irene by 084 455 2147 kontak.
Bankbesonderhede vir ‘n geldelike bydrae tot die projek is:
Vaalpets doggy wash 2024
Capitec
Rekening nommer: 1595494543
Takkode: 470010
