VANDERBIJLPARK. – Die Akademie vir Dramakuns het Saterdag, 13 Januarie ʼn spesiale oorhandigingsplegtigheid gehou.

By die geleentheid het sewe student hul Professionele Sertifikaat in Drama na drie jaar se harde werk verwerf.

Francisca van der Merwe, direkteur ADK, het gesê sy is baie trots op die studente wat soveel deursettingsvermoë, groei en passie oor die afgelope drie jaar getoon het.

Al sewe gaan hul nuwe kwalifikasies inspan, met drie wat dramaklasse gaan begin gee die jaar en drie ander wat reeds begin het met oudisies in die bedryf.

Tharien Oosthuizen is tans betrokke by ʼn projek van die ADK in samewerking met Krugerlaan se uitreikprogram vanaf die Departement van Onderwys.

Sy is een van die hoofrolspelers in die drama, Same as everyone, wat handel oor pronografie en mensehandel. Die produksie word elke tweede Vrydag by drie skole opgevoer.

Vir meer inligting oor die ADK, besoek gerus hul facebookblad, ADK – Akademie vir Dramakuns.