MEYERTON.- ‘n Swart rookwolk het Vrydagmiddag oor Meyerton se sakekern gehang.

Die Meyerton-brandweer se hulp is ingeroep toe ‘n stuktuur naby die staanplek vir informele handelaars in Juniusstraat vlam gevat het.

Die struktuur, wat blykbaar soos ‘n igloe of Eskimo-woning gelyk het, staan glo al ‘n geruime tyd daar.

Dit is in hierdie stadium onbekend of daar iemand in die struktuur was toe dit vlam gevat het.

Die polisie was ook op die toneel.

*Hierdie is ‘n ontwikkelende storie. Vaalweekblad sal later meer breedvoerig berig as ons meer inligting ontvant. Die berig kan later aangepas word.