VANDERBIJLPARK. – Die Emfuleni Brandweer het op Saterdagaand 3 Februarie met flink optrede 14 van Wouw straat van algehele verwoesting gered. Emfuleni is deur ‘n brandweerspan van Vereeniging te hulp gesnel om die brand te blus.

‘n Brand het in die hoofvertrek van die huis onstaan waarna dit na die dak en ander gedeeltes van die huis versprei het.

Die huis wat leeg staan het vermoedelik aan die brand geraak nadat ‘n hawelose glo toegang tot die huis gekry het en ‘n vuur probeer maak het.