“Ons bedank elkeen wat die projek ondersteun. Sonder elke bydrae, groot of klein, sou ons nie die projek kon aanpak nie,” sê Irene Britz, eienaar van die Vlooi en Bosluis Taxi.

Die Vlooi En Bosluis Taxi (Mobile Doggy Grooming Service) se jaarlikse Doggy Wash-projek by Vaalpets het aan die begin van Januarie afgeskop en duur steeds voort.

Om deel te wees van die projek is maklik. Dit kos R20 per hond en dan word die fondse aan Vaalpets geskenk om kos te koop vir al die diere in hul sorg.

Irene-hulle verkoop ook nou spekboompies teen R20 as deel van die fondsinsameling.

Dis ‘n groot taak want sowat 300 honde moet gebad, gedip en geborsel word.

“Dis lekker om ‘n jaar met ‘n liefdadigheid te begin,” sê Irene. Sy en haar span het die projek vir die eerste keer in 2019 aangepak.

Vanjaar het sy, haar man Christoffel, hul peetkind Mieta Nelson en die twee wassers (Jessica Taylor en Geraldine Eckley) reeds 26 x 20kg sakke hondekos gekoop met die projek.

Irene het in besonder vir Roco Mamas Vanderbijlpark bedank vir die ondersteuning en donasie, asook Pet Foods Warehouse vir die afslag op die kos.

Belangstellendes wat meer wil weet oor die projek, of ‘n bydrae wil maak kan Irene by 084 455 2147 kontak.

Bankbesonderhede vir ‘n geldelike bydrae tot die projek is:
Vaalpets doggy wash 2024
Capitec
Rekening nommer: 1595494543
Takkode: 470010