Verskeie ongelukke het die afgelope maande op die Magrieta Prinsloo-brug in Oranjeville plaasgevind. Die inwoners van die dorp sowel as heelwat hengelaars van die Vaaldriehoek en omstreke gebruik die brug gereeld. Sommige lesers meen die brug is verkeerd ontwerp, daarom soveel ongelukke, maar ander se opinie is dat sommige motoriste net roekeloos ry. Lees wat Manie Nelson daaroor sê:

Manie Nelson van Vanderbijlpark skryf na aanleiding van lesers se kommer oor toenemende ongelukke op die Magrieta Prinsloo-brug in Oranjeville:
Ek het verlede week ‘n paar keer oor daardie brug gery toe ek vir ‘n week by Oranjeville gaan hengel het. Daar is niks fout met daai brug nie. Hy staan al jare daar.
Die ongelukke is net weens motoriste wat windgat of nalatig is en nie by die padreëls hou nie. En nou is dit skielik die brug se skuld!
Die brug self is in ‘n baie goeie toestand – self die pad op die brug het geen slaggate nie. Dit is alles nonsens-verskoning.
Bly by die spoedgrens, volg die reëls en hou op verskoning soek. As jy nie behoorlik kan bestuur nie, laat jouself hertoets vir jou bestuurslisensie.

Argieffoto’s onder: