VAALPARK. – Die ouer en onderwyser braai by Vaalpark Primêr is altyd ‘n hoogtepunt op die skool se jaarkalender. Hierdie jaar is die braai Woensdag, 31 Januarie gehou.

Daar was omtrent ‘n gedruis by die skool toe ouers, leerders en personeel gewapen met hul eie vleis, koeldrank, stoele, eetgerei en glase opgedaag het.

Die vure was teen 17:30 gereed en die skool het die broodrolletjies en slaaie voorsien.

Terwyl die kinders op die rugbyveld gespeel het, het ouers en onderwysers die kans gehad om mekaar op ‘n informele vlak beter te leer ken.

Volgens die skool se skakelbeampte, Charmaine Kriek het 1210 mense die braai bygewoon.