Visvang of hengel soos die groot entoesiaste dit noem, is ‘n algemene tydverdryf vir menige Suid-Afrikaner, veral oor ‘n naweek.

Weet ons jongspan hoe vang mens vis? Gerda Bruinette het by Laerskool Emfulenipark se graad 1’s – 3’s gaan inloer.

Reinard du Plessis “‘n Mens sit ’n sinker op en dan gooi jy hom in en dan moet jy fight om daai vis uit te kry.”

Bianca Lemmer “Jy vang vis met ‘n stok of met ‘n net. Jy het ‘n choice. Jy moet viskos of ‘n squeeky toy opsit, dan kom die visse byt.”

Benjamin Swanepoel “Jy sit eers ‘n loodjie aan wat lyk soos ‘n vissie. Daar is ‘n hakie aan die loodjie en dit beweeg in die water. Dan vang jy bass. As die vis honger is.”

Chelinke Jansen van Vuuren “Jy vat ‘n visstok en dan sit jy kos, soos ‘n broodjie, op. Gooi hom in en as jy hom uithaal, kry jy dalk ’n vis.”

Johannes van Helden “Jy vang vis met ‘n net en dan sit jy die vis in ‘n plastiesesak met water in. Of jy het ‘n ding (hy het bedoel ‘n stok) waaraan jy ietsie sit soos stinky cheese en dan vang jy die vis.”

Hemarie Surd “Jy vang vis met ‘n visstok en ‘n net. Jy moet ‘n wurm aansit. Ek wil ook visvang, maar my ma en pa dink ek gaan inval.”