VANDERBIJLPARK. – Toe die sangeres Derónshay Donderdagoggend vir ‘n regstreekse onderhoud by IFM Radio 102.2 opgedaag het, het sy nie die vaagste benul gehad dat haar nuwe kortspeelplaat “Is jy nog hier” uitgereik sou word nie.

Daar was dus groot opgewondenheid toe die omroeper Marius Lewis haar in die ateljee haar meedeel dat die plaat uiteindelik hier is!

“Oh my soul! Wow! Ek weet nie wat om te sê nie!” het die 17-jarige sangeres, stom van verbasing, gesê toe sy die fisiese album voor haar gesien en dit in haar hande vasgehou het.

Oh my soul! Wow! Ek weet nie wat om te sê nie!

Die album is reeds in November 2023 digitaal uitgereik, maar die fisiese album is nou hier.

Die veelsydige en talentvolle skrywer en kitaarspeler van Deneysville se Country-aanslag beloof om luisteraars se harte diep tref en hulle voete laat jeuk op die dansvloer!

Mense wat in die nuwe album belangstel kan vir Somônja WhatsApp by 066 360 2772 of ‘n e-pos stuur aan deronshay.bookings@gmail.com

Jy kan ook hier klik vir ‘n skakel na Derónshay se Facebook-blad vir meer inligting oor dié opwindende sangeres.

Die bemarking en digitale verspreiding word deur Embrace The Brand Media/David Gresham Records gedoen. Kontak Christien De Klerk vir meer info by christiendeklerk7@gmail.com

*Lees meer in volgende Vrydag (15 Maart) se Vaalweekblad (die gedrukte koerant) oor dié talentvolle sanger.