VANDERBIJLPARK. – Jeugland Tuiste vir Bejaardes het onlangs hul baie gewilde basaar by die sentrum in Conan Doylestraat 10, Vanderbijlpark, gehou. Dié jaarlikse geleentheid is reeds alom bekend vir die uitsonderlike en hoëgehalte artikels wat elke jaar hier te koop is. Vanjaar se basaar is soos altyd deur belangstellendes van heinde en ver besoek en ‘n rekordbedrag is ingesamel danksy die organiseerders en inwoners se harde werk. Jeugland se bestuurder, mev. Katinka Nel, bedank graag alle individue, sakeondernemings, kerke en ander instansies wat skenkings gegee en die basaar so goed ondersteun het.