Wie is die baas in die huis, mamma of pappa? Laerskool D.F Malherbe se jongelinge het vir Gerda Bruinette ‘n paar interessante antwoorde gehad.

Giané Müller “Pappa. Hy sê gewoonlik wanneer iets opgeruim moet word.”

Johan van Dyk “Pappa, want hy het die huis gekoop.”

Johan Pretorius “Die bank, want ons het nog nie die huis klaar betaal nie. Ons hond, want hy lê op die kussings en maak wat hy wil.”

Rumé De Sousa “Pappa is die baas, want hy is die oudste. Die oudste is altyd die baas in die huis.”

Ninke van Eeden “Pa, want my pa het die huis betaal. Ma is ook die baas, want sy maak kos en koop speelgoed.”

LC Jacobs “My pa, want hy het die huis gekoop en hy sorg vir ons.”