Die basaar skop Vrydag, 3 Mei om 16:00 af met tradisionele basaarkos soos pannekoek (R5), sosaties (R15), kerrie-en-rys (R15) en jaffels (R15) wat te koop sal wees.

Om 17:00 word die deure oopgemaak vir die konsert. Vanjaar se gemeentekonsert maak vele nostalgiese draaie – draaie vol humoristiese lewenskinkels. Kom lag ‘n slag.

Toegang is R30 en die konsert begin stiptelik om 18:00. Kaartjies is vooraf beskikbaar by die kerkkantoor, maar sal ook by die deur te koop wees.

Saterdag, 4 Mei word die pret voortgesit. Die basaarstalletjies sal om 09:00 oop wees vir besigheid.

Behalwe vir al die heerlike tuisgebak en eetgoed wat te koop sal wees, spog die basaar vanjaar met poedingheerlikheid.

Die vleisstalletjie se spesiale aanbod is maalvleis, wors, sosaties en beessnitte teen R80 per kilogram.

Die basaarbraaiers het beloof dat die sosaties en worsbroodjies vanaf 09:00 gereed sal wees.

Kom snuffel gerus vir winskopies terwyl die kinders aan verskeie pretspeletjies kan deelneem.

Sondag, 5 Mei is daar om 09:00 ‘n kerkdiens met die tema: Prys Hom deur sang en musiek.