Visse byt maar traag in die koue
Net gesoute hengelaars sien kans vir 'n klubkompetisie in die winter.
VAALDAM. – Winter is nie die beste tyd vir visvang nie. Die hengelaars mag dalk met ywer die koue langs die dam aandurf, maar die visse is nie lus vir enige pap of muti nie.
Wimpie Willemse sê hy het 12 Junie by Boschkop gaan lyn natmaak en slegs sewe visse uitgetrek.
Dinsdag, 18 Junie het hy en die res van die Groenpunt Hengelklub vir kompetisie by Jackie Leonard langs die Vaaldam gevang.
Die 22 hengelaars het 214 visse met ‘n gewig van 120.959 kg uitgetrek, waarvan Piet Smith die meeste gevang het.
Sy 29 visse het saam 17,98 kg geweeg. Wessie van der Westhuizen was tweede (25 visse, 13.98 kg) en Gerrie Smith derde (25 visse 13.905 kg)
Vanessa Smith het die damesafdeling gewen met 12 visse wat 8.924 kg geweeg het. Die grootste karp (1.910 kg) is deur Michael Slabbert gevang.
