Valies skitter by Afri-Indie Toekennings
Die Vaaldriehoek het talent. Dit is gistraand weer by die Afri-Indie Musiektoekennings 2024 bewys.
Die Afri-Indie Musiek Toekennings 2024 is Woensdag 7 Augustus in Pretoria gehou.
By die luisterryke geleentheid is onafhanklike kunstenaars in die Suid-Afrikaanse musiekbedryf vir hul werk bekroon.
Verskeie Vaaldriehoekers was onder die finaliste en ons eie Mirandi was een van die aanbieders en ʼn gaskunstenaar.
Die Vaaldriehoekers het hul talent bewys en met verskeie afdelingspryse weggestap.
Veels geluk aan:
Beste Enkelsnit (onder 18) – Groep kategorie: 4 Eva Young Band – “Tiekiedraai”
Beste Duo Enkelsnit – Afrikaans: Victor Bravo – “Lê my neer”
Beste Rock Enkelsnit: Harry Broersma se Deja Vu – “Rof”
Beste Volwasse Kontemporêre Enkelsnit (Manlik): Nico van Vuuren, Inspirasie Veelvoud – “Witborskraai” en Beste Volwasse Kontemporêre Musiekvideo (Manlik): Inspirasie Veelvoud – “Witborskraai”
Beste Instrumentele Album: Klipriver Boereorkes & Vasvat – “Green Green Grass of Home”
Meer inligting oor dié Vaaldriehoek skittersterre in Vaalweekblad van 16 Augustus.
