Sasolburg Vories – groot reünie fees
Wie is lus vir roosterkoek, melkkos, kleios bou en sommer net lekker kuier? Die Sasolburg Voortrekkers hou 'n Korhaanfees in Augustus. Lees meer...
SASOLBURG. – 24 Augustus is ʼn groot dag vir Sasolburg se Voortrekker Kommando. Hul vier hul 70ste bestaansjaar met ʼn Korhaanfees by 20 Brillstraat.
Die dag se vieringe begin met ʼn vroegdag optog deur die Vories vanaf Sasolburg SPAR tot by die Voortrekkerterrein in Brillstraat.
Daarna skop die feestelikhede af met verskeie vertonings, speletjies, aktiwiteite en kompetisies. Dit sluit in Boeresport, die maak van kleiosse en ʼn sweepslaankompetisie.
Die Volkspele Laer sal ook hul buiging maak en dan is daar natuurlik die Vories se teetuin met lekker koffie en koek.
Die middag word daar afskeid geneem van tannie Alida van der Lingen wat 46 jaar lank kommandoleier was.
Na die amptelike verrigtinge en parade is dit tyd vir kampvuur-kuier en saam sing. Daar sal ook tradisionele eetgoed, van roosterkoek tot by melkkos te koop wees.
Alle huidige en voormalige Vories, en almal wat belangstel word uitgenooi om saam te kuier.
Vir meer inligting kontak Chirna Kruger op WhatsApp by 083 546 6998. Volg hul ook op Facebook by Sasolburg Voortrekkers.
