SASOLBURG – Die 70ste bestaansjaarvieringe van die Hoërskool Sasolburg was ‘n prettige affêre. Die leerlinge het verlede maand kans gekry om bietjie pret te hê met ‘n kleurfees.

Skoliere van kop tot tone getooi in alle kleure van die reënboog.

Dit is die gesig wat jou op SHS se rugbyveld begroet het. Die geesvangsessie was aan die vooraand van die skool se Revue wat in die Etienne Rousseau Teater aangebied is.

Daar was ook ‘n reünie vir oud-leerlinge en onderwysers. Die Old Boys en Old Girls-wedstryde het ook baie belangstelling uitgelok en rugby en hokkie uit die boonste rakke opgelewer.