VANDERBIJLPARK – Honderde tieners, 291 om presies te wees, het op 10
Oktober by Kompas Gemeente se Toegee Tienerbediening hulself gate uit geniet tydens die jaarlikse Lipsync-oorlog.
Die jeugpredikante Franco Pienaar en Katie Reymers wat mekaar aangedurf het, het die toeskouers laat skaterlag met hulle vertonings. Franco se uitbeelding van Robbie Wessels se gewilde treffer Leeuloop
het aan hom die Lipsync-titel vir 2024 besorg.
Die toeskouers was die beoordelaars en moes hulle gloei-armbandjies op aandrang van die seremoniemeester Danie Bloem aanskakel om te wys wie hulle wou hê moes wen.
Hoewel Katie se items KRS-One se Sound of the Police en Justin Bieber se Baby baie vermaaklik was, het Franco die bal uit die
park geslaan met die Leeuloop.
