VANDERBIJLPARK – Die wolfpak van Belinda Bras-Nel is baie gewild op Facebook. Hulle doen en late lok altyd groot belangstelling uit.

Maandag het almal geskrik toe Belinda ‘n boodskap op haar blad geplaas het dat Odin nie lekker is nie en mense asseblief aan die jong wolf moet dink.

Boodskappe het van oraloor ingestroom. Teen laatmiddag het almal ‘n sug van verligting geslaag. Odin was okay.

Dr Letitia Swartz van Sasolburg Veearts het hom behandel en vermoed dat hy deur of ‘n spinnekop of ‘n bosluis gebyt is.

Belinda sê Odin het geen simptome getoon nie. Dit was eers toe hy Sondagaand langs haar op sy rug op die bed gelê het dat sy die wond gewaar het.

Dit het naar gelyk en sy het die wolf Maandag na Dr. Swartz geneem. Teen Dinsdag was hy weer sy normale self en was almal dankbaar dat die bytplek opgespoor is voordat die gif verder versprei het.