Jasmine Mothibeli Ek is ‘n darling in die klas. Ek is nou in graad 3. Volgende jaar gaan ons baie werk en swaar tasse hê. Eendag gaan ek ‘n juffrou word. Ek gaan kwaai wees.

Lungile Nhlapo Ek dink ek is soet, ek wil wees, maar my maatjies maak my praat in die klas. As ek oud is gaan ek nie werk nie. Na skool gaan ek ‘n sjef word. My Ma kan kos kook en sy gaan my leer.

Davy Petzer Ek is bietjie soet by die huis en baie soet by die skool. Ek gaan ‘n polisieman word wat na dinosaurs kyk. Partykeer is ek baie slim en dan werk ek vooruit.

Benjamin Nienaber Ek hou so bietjie van skool en so ‘n bietjie nie. Ek is soet. Ek weet nie wat ek gaan word nie. Ek wil nie nou al daaraan dink nie. Ek wil nog ‘n kind wees.

Zayden Brümmer Ek geniet skool en is soet by die huis en by die skool. Ek hou van sport en oefen hard vir hoogspring, verspring en gewigstoot. Ek weet nie wat ek eendag wil word nie.

Justene Martincich Ek is soet by die huis en die skool. Eendag wil ek ‘n balkie hê en ‘n prefek word. As ek groot is wil ek ‘n ma wees met vyf kinders. Twee boeties en drie sussies en een sussie gaan stout wees.