Annabelle Vijloen Dis groen en baie ander kleure. Mense eet dit met chopsticks. Dis nie lekker vir my nie. Ek hou van noodles met tamatiesous en kaas.

Khloe Labuschagne Dis kos waarvoor my ma baie lief is. Dit lyk soos dit (en sy beduie ‘n reghoekie in die lug), maar net gesny. Mens eet dit met jou hande. Ek het dit geëet toe ek ‘n baba was.

Mahlatsi Ramotsoenynae Dis ‘n tipe kos. Dis in sirkels en gemaak van gaar vis. Ek het dit nog nie geproe nie, maar ek hou nie daarvan nie. Ek hou van Spur se kos.

Rudolf van Dyk Dis ‘n ronde ding. Lyk soos ‘n silinder met vleis in en sous op. Jy eet dit met chopsticks. Ek eet sushi, dis lekker.

Ryder Bester Dis uit vis gemaak. Dis rond met wit goed in die middel en swart kolletjies op. Jy kan dit met ‘n vurk of Chinese stokkies eet. Ek sukkel bietjie met die stokkies.  Ek hou van sushi, maar die wasabi het gebrand.

Mia Erasmus Dis vis wat rou is. Dis wit, swart, pienk en groen. Ek love dit. Dis moeilik om met chopsticks te eet. Toe ek klein was het ek gedink die wasabi is avo, toe vat ek ‘n groot hap. Dit het erg gebrand.