VANDERBIJLPARK – Die Orion Voortrekkers het hul 2024 Erkenningsfunksie op 2 November gehou.
Die uitstaande Voortrekkers word beloon vir hul harde werk. Vir die geleentheid dra offisiere, penkoppe en verkenners hul uniforms.
Die verrigtinge is geopen met ‘n vlagseremonie. Daarna is nuwe lede as Voortrekkers ingelyf.
Orion se Kommandoleier, Butch Blignault, het ‘n toekenning vir 45 jaar getroue diens ontvang.
Nadat al die formaliteite afgehandel is, is daar lekker om die vure gekuier en kon die jong Vories spookasem en springmielies geniet.
Besoek gerus www.voortrekkers.co.za vir meer inligting oor Die Voortrekkers.
At Caxton, every story is written by humans. We use AI only to perform quality checks - never to generate the news. Happy reading!
