VANDERBIJLPARK – Verskeie waterlekke woed tans in die dorp. By die R57 afrit op Ravel Road stroom die water af in die rigting van Sasolburg.

In Moerdyk straat in SW5 is die straat ook onder water weens ‘n mangat wat vermoedelik oorstroom.

Om die gebarste hoofwatertoevoerpyplyn op die hoek William Nicolstraat en Dewarstraat te herstel is watertoevoer na verbruikers die SW, SE, CBD en CW areas afgesluit.

Volgens die Emfuleni Plaaslike Munisipaliteit is ’n waterspan uitgestuur om die omvang van die skade te bepaal en herstelwerk te begin.

Dit is nog onbekend wanneer die herstelwerk voltooi sal wees en wanneer die watertoevoer weer herstel sal word.