VANDERBIJLPARK – Die 49-jarige man wat verlede week vir beweerde seksuele misdrywe gearresteer is, het Dinsdagmiddag, 17 Desember vlugtig in die plaaslike hof verskyn.

Die saak is tot 14 Januarie 2025 uitgestel en die verdagte sal in aanhouding bly.

Die beskuldigde word aangekla van verkragting, seksuele aanranding, bevordering van kinderpornografie, seksuele uitbuiting van kinders en seksuele voorbereiding van kinders.

Luidens ‘n verklaring wat op die Suid-Afrikaanse Polisiediens (SAPD) se webtuiste gepubliseer is, is twee mans in ‘n gesamentlike wetstoepassing operasie, wat die Amerikaanse Federale Speurdiens (FBI) en die Departement vir Tuisland Sekuriteit se hulp ingesluit het, op 12 en 13 Desember onderskeidelik in Vanderbijlpark en Pretoria gearresteer.
Die ander beskuldigde, ‘n 41-jarige voormalige skoolhoof van Pretoria, is ook steeds in aanhouding.

Die beskuldigdes se identiteit is aan die media bekend. Dit mag weens die aard van die beweerde oortredings nie bekendgemaak word nie, aangesien daar minderjariges betrokke is wie se identiteit beskerm moet word.