Veen du Toit van die Vaaldriehoek skryf na aanleiding van Vaalweekblad se onlangse berigte oor die lae vlak van die Vaaldam:
Goeiedag mense, weet julle, dis nie net die boere wat swaartrek met die droogte nie. Glo dit of nie maar die vis in die Vaaldam trek ook maar net so swaar.
Die graskarpe vrek want die dam is so leeg, daar is nie gras in die dam nie. Die swartbaars (bass) vrek want hoe minder water, hoe minder is die gras en riete wat hulle nodig het om in te leef. Ons vra dat daar ernstig gebid word vir reën om die Vaaldam weer vol te kry.
As julle Vaaldam toe kom hierdie Feestyd en jy kom met ‘n boot, moet jy versigtig wees op die water. Jy slaan dalk net nog grafte onder die water raak of ou grensdraadpaaltjies wat nou begin uitsteek weens die lae vlak van die dam.