Verdwaalde man se familie gesoek
As sy familie of iemand anders hom herken, kontak asseblief vir Marlene by 078 780 8767
SASOLBURG. – Public Eye se patrolleerders rapporteer dat hulle vanoggend ‘n verswakte man op die R57-pad tussen Vanderbijlpark en Sasolburg aangetref het.
“Hy was so 1 kilometer verby die Golden Goose-brug in die rigting van Sasolburg op pad,” sê me. Marlene Enslin van Public Eye.
Hy is baie swak en kan nie besonderhede oor sy naam, familie of adres gee nie. Aangesien hy intussen inmekaargesak het, is ‘n ambulans gereël om hom te kom haal. Hy is tans nog by Hoff’s se afrit, rigting Sasolburg. Sy familie, of die mense by wie hy woon, word versoek om Marlene te kontak by 078 780 8767.
OPDATERING:
Marlene Enslin van Public Eye het Maandag 11:23 laat weet: “Baie dankie aan elkeen wat die post op Facebook gedeel het. Dankie vir Muller by VEC en ook Johan Roodt wat die oom gevind en bygestaan het. Oom Dries Steyn se kinders is gevind en is op pad om hul pa te gaan sien by Mediclinic.“
