Die inwoners van die buurt het reeds in September 2023 vir die eerste keer oor die probleem die stadsraad en verskillende raadslede klagtes gelê, maar met geen terugvoer of resultate.

Mev. Ina van der Vaart het toe besluit om dit onder die aandag van die Vaalweekblad te bring.

Sy het foto’s geneem as bewys van die rou riool wat langs hul woonbuurt uitborrel en in die Leeuspruit inloop.

“Die stank is onuithoudbaar en skep ‘n gesondheidsgevaar vir ons as inwoners,” sê Ina.

Die spruit loop in die Vaalrivier wat beteken dat alle inwoners langs die rivier, asook diegene wat beplan om die somer op die rivier te baljaar, ook aan die besmette water blootgestel word.

“Daar was intussen gewerk aan probleem wat definitief nie permanent herstel is nie, want sedert Desember 2024 is die probleem terug,” het Ina die week laat weet.

Die probleem is weer aan die munisipaliteit aangemeld, sowel as die DA raadslid in die gebied.

“Tot op hede is daar niks gedoen nie,” sê Ina.

Dit is inderdaad ‘n groot probleem vir al die inwoners. Richard Douglas van Siegfried Kuschkestraat het die situasie beaam.

“Die riool loop oor in die veld wat dan in die spruit loop en van daar af Vaalrivier toe. Die saak is al telkemale by die munisipaliteit gerappotreer, maar net niks word gedoen nie. Dit ‘n gesondheids risiko,” beklemtoon Richard.

Nog inwoners het oor dieselfde probleem by Vaalweekblad kom aanklop.

DA se terugvoer

Raadslid Frans van der Merwe het dit ook weer aan nooddienste en die munisipale bestuurder rapporteer.