MEYERTON – Fisiek is hy miskien nie die grootste veldatleet wat jy al ooit gesien het nie, maar sy tegniek is iets om te aanskou.

Darius Botha, van die HS Dr. Malan in Meyerton is besig om onder die afrigterskap van sy pa Ambo in ‘n gewigstoot en diskuskampioen te verander.

Hy is tydgens die pasafgelope Wildeklawer TUT Top 14-byeenkoms in Pretoria op die Pilditch-stadion as die beste junior veldatleet aangewys.

Hy het die gewigstoot en diskus vir seuns o15 met afstande van 18.70m en 65.00m gewen.