VANDERBIJLPARK – Inspirasie Veelvoud se Nico van Vuuren het verlede jaar twee gesogte Afri-Indie Toekennings ontvang vir sy lied, Witborskraai.

In 2023 het hy die toekenning vir Beste Afrikaanse Liedjieskrywer vir sy enkelsnit, Woorde in my dagboek verower.

Witborskraai kan gereeld oor die radio gehoor word. Tot dusver moes Nico se aanhangers tevrede wees om na hom op die sosiale musiek toeps te luister.

Hy verkies om net sy eie liedjies te sing en het uiteindelik besluit om ʼn lewendige vertoning te gee.

Sy debuutvertoning vind Vrydagaand, 7 Februarie by Cock & Bull Heritage Pub te 14 Vaal Drive, Vanderbijlpark plaas.

Die vertoning begin om 20:00. Toegang is gratis.

“Ek gaan al my bekende liedjies, soos Witborskraai, sing maar het ook nuwe liedjies waarmee ek gaan verras,” sê Nico.