VANDERBIJLPARK – Die groot dag het uiteindelik aangebreek. Mieke Prinsloo (5) se nier word 7 Februarie verwyder. Die afgelope week het sy nog bloedtoetse ondergaan om seker te maak alles is in orde vir die operasie.

Op Facebook het ondersteuning van gebed en denke ingestroom. Lusinda Underhay het egter op Messenger laat weet dat Mieke nog ‘n bewonderaar het.

Ncheve, ‘n drie-jarige skaaphond. Soos Mieke het hy van sy jong hondjie dae af met blaasprobleme gesukkel en is daar mettertyd gevind dat hy ‘n abnormale nier het.

Die nier is geblok en funksioneer nie meer nie. Aangesien so ‘n operasie baie duur is het Lusinda-hulle besluit om nie die nier te verwyder nie, synde dit nou nie meer probleme gee nie.

“Ek het maar net gedink dat jy dalk vir Mieke kan aanstuur dat daar ‘n hondjie is wat net so spesiaal is as wat sy is. Ek gaan definitief ‘n donasie gee, ek moes ook geld insamel om die nier te probeer red maar toe werk die operasie nie.

“Dalk sit Ncheve se storie ‘n glimlag op Mieke se gesiggie,” het Lusinda laat weet. “Ons hoop Mieke se operasie gaan suksesvol wees. Groete van Ncheve af.”

Die mediese fonds dek nie al die onkostes rondom Mieke se operasie nie. Om ekstra kostes te dek het haar ouers ‘n Back-a-Buddy rekening op Facebook begin. Enige donasies kan deur https:// www.backabuddy.co.za/campaign/miekeprinsloo gedoen word of direk in ‘n spesiale spaarrekening inbetaal word.

Rekening besonderhede: Naam: Ilse Prinsloo Bank: Capitec Rekeningnommer: 2170661065 Verwysing: Mieke