Internasionale erkenning vir plaaslike fotoklub
VANDERBIJLPARK - Lede van die Vanderbijpark Fotografiese Vereniging het onlangs aan FIAP (International Federation of Photographic Art) se jaarlikse kompetisie deelgeneem en spog met skitterende resultate.
Die 19de FIAP World Cup for Clubs se uitslae is onlangs bekend gemaak en die Vanderbijlparkse Fotografiese Vereniging is as die wenklub in Suid-Afrika aangewys, en het die algehele 43ste plek uit 293 klubs wêreldwyd geëindig.
Die klub kon elk 20 fotos (slegs 2 fotos per fotograaf) inskryf. Hierdie fotos is deur ‘n Europese beoordelaarspaneel beoordeel en punte is toegeken.
Van die klublede wat met die beste foto’s spog na afloop van die uitslae is:
Early Rays deur Henk Scheepers
Mik vir die sandpatrys deur Mietsie Visser
Splash deur Suzy Louw
Playing with dinner deur Chanel Enslin
Die Vanderbijlpark Fotografiese Vereniging kom maandeliks op die derde Vrydag van die maand by die Vaaldriehoekkampus van die Noord-Wes Universiteit in Vanderbijlpark byeen.
Belangstellendes kan Johan Brits kontak by 082 718 8394 of tsawa@yebo.co.za
