Clive (26) is ‘n onderwyser aan HTS Carel de Wet en gaan poog om ‘n nuwe rekord: vir die langste krieketoefening aaneen, op te stel.

“Ek speel al krieket vir die afgelope 20 jaar en het in 2012 oor dié wêreldrekord te wete gekom. Ek het toe reeds besluit dat ek dit eendag wil aanpak.

Clive het verlede jaar November al die regte stappe gedoen en amptelik aansoek gedoen om die rekord te verbeter. Hy het in Januarie gehoor dat sy aansoek goedgekeur is.

“Die rede waarom ek dit wil doen is oor almal altyd vra wat jy agter los as jy nie meer die dag hier is nie. Wel my dogter is in 2022 gebore en moes ‘n groot operasie ondergaan omdat haar slukpyp nie gevorm het nie. Dis toe dat ek besluit het om my nalatenskap mening te gee,” vertel Clive.

Clive gaan dus van 27 Maart tot 29 Maart oefen. Daar sal hulpverleners wees wat hom gaan bystaan, maar Clive sal die enigste een wees wat gaan kolf en oefen.

Hy hoop om die huidige rekord van 50 ure 34 minute 26 sekondes na 60 ure te verbeter.

“Ek daag skole en krieketklubs uit om R500 te betaal vir ‘n uur se boulwerk. Die persoon wat my die meeste uitboul staan ‘n kans om R1 000 te wen,” nooi Clive.

Al die geld wat hierdeur ingesamel word sal aan liefdadigheid geskenk word.

Moet dus nie hierdie rekordpoging misloop nie. Dit sal by die hoofingang van die Emerlad Resort & Casino plaasvind