Slegs vierwielaangedrewe voertuie kan dit dalk nog waag om die pad aan te durf.

“Ek moes onlangs noodgedwonge die pad probeer ry. Enige klein voertuig sukkel om daar te ry, en ry maar op die sypaadjie om skade aan hulle voertuie te voorkom. Dit is ‘n skryende skande,” vertel plaaslike inwoner Tertia van Wyk.

Boonop wil dit voorkom of menige inwoner al die probleem aangemeld het, maar Metsimaholo Munisipaliteit doen niks om die probleem aan te spreek nie.

“Privaat mense probeer om die gate te stop. Jy kan nie meer mense na jou huis toe nooi nie. Die kans dat hulle voertuig se bande kan beskadig is gegewe,” kla Tertia.

So lyk Paardeweg!