SASOLBURG – Een van die Groot Geeste van die Vaaldriehoek en Suid-Afrikaanse musiekbedryf is vandag finaal ter ruste gelê.
Marius Emmanuel Dreyer (62) se roerende roudiens het op 24 Maart plaasgevind.
Marius is op 20 Maart oorlede nadat hy ʼn beroerte gehad het en weens bloeding op die brein breindood verklaar is. Dit het ‘n skokgolf deur die Vaaldriehoek en die Suid-Afrikaanse musiekbedrywig gestuur.
Hy was ʼn steunpilaar in die gemeenskap wat jare lank as omroeper vir 90.6 FM gewerk het.
Hy het met sy omgeehart en stralende persoonlikheid duisende mense lewens op ʼn daaglikse basis aangeraak.
Sy familie was sy alles en hy het altyd breëbors met hulle gespog.
Een van sy jarelange vriende die bekende Vaaldriehoekse sanger, Manie Jackson, het twee pragtige gospel liedjies tydens die diens gesing.
Marius laat sy vrou Amanda, sy seun en twee dogters agter.
