Die Jaco Pieterse in die Oos-Kaap is ‘n skoolhoof wat deur die polisie ondersoek word in verband met die verkragting van ‘n sewejarie meisie.

Wat sake erger maak is dat daar tot dusver geen konkrete bewyse is dat die skoolhoof aan verkragting skuldig is nie, hoewel hy ook reeds gekruisig word.

AfriForum se Privaat Vervolgings Eenheid, wat die Matatiele-skoolhoof Jaco Pieterse verteenwoordig in sy poging om sake van laster en dreigemente van geweld aanhangig te maak, sê hy sal onmiddellik van die saak onttrek indien bewyse voorgelê word wat Pieterse impliseer in die verkragting van die meisie.

Die skoolhoof se lewe sal egter nooit weer dieselfde wees nie, al word sy onskuld bewys.

Vaal se Jaco

Die Vaal se Jaco Pieterse is ‘n gewone gesinsman en nutsman van beroep, wat nou op sosiale media onder aanvalle en dreigemente deurloop.

Die Facebook “speurders” het die verkeerde Jaco begin aanval en vandaar het dinge net vererger.

Jaco sê sy foon hou nie op lui nie en die doodsdreigemente stroom in op whatssapp. Dit het nou ook ‘n uitwerking op sy werk, omdat hy te bang is om sy foon te antwoord en sodoende klante verloor.

Hy vrees ook dat daar ‘n stigma aan hom gekoppel is en voornemende klante wat hom nie ken nie, nie in hul huise sal toelaat nie.

“My enigste sonde is dat my naam Jaco Pieterse is. Ek is net ‘n gewone man wat wil werk en my gesin onderhou,” sê Jaco.