SASOLBURG – Die eerste Saterdag van April was winterkoud grys en nat. Dit het egter nie die manne en dames wat gereeld stalletjies op Sasolburg Boulevard se stoep opslaan, afgesit nie.

Vroegoggend het die vrolike gazebo’s al die grys gebreek en het die geur van gebraaide wors, kerrie en rys en pannekoek in die lug gehang.

By elke stalletjie is daar gekuier, want hierdie is die Vrystaat en almal ken mekaar.