Lion Jay & Friends was ‘n eersteklas Country aand
Wanneer van die land se beste Country sangers saamkom op een aand, dan weet jy dit gaan spesiaal wees. Lees meer...
VANDERBIJLPARK – Die reën het niemand afgesit nie. Sharky Town was behoorlik gepak en op die verhoog het dit gekook.
Op 1 Mei was dit weer tyd vir Lion Jay se jaarlikse Country fees waar hy al sy vriende en kennisse in die Country bedryf saam kry vir ‘n onvergeetlike aand van goeie musiek en lekker kuier.
Die verrigtinge het al 15:00 afgeskop met onder andere optredes deur Corné Rust en Will Jordan. Lion Jay self het kort-kort ook van sy treffers gesing. Die dansbaan was bykans die heeltyd vol en om die tafels is daar lekker gekuier.
Van die ander musikante wat van hulle laat hoor het was Karlien Husselman en haar man Anthony, Danie van der Walt, Nadine Burness en Suzette Jacobs.
Naas Lion Jay, het Collin Dee en Sean Miles ook die Vaaldriehoek op die verhoog verteenwoordig. Natuurlik is geen Country show volledig sonder die talentvolle rodeo girls nie.
