Ons weet wat ons weet
Op 8 Mei het ons Afrikaans se 100 jaar as amptelike landstaal gevier. Gerda Bruinette het met die juniors van Laerskool Emfulenipark gaan gesels oor wat hulle geniet in Afrikaans.
Mieke Naudé Ek hou daarvan om te lees van Sussie se boeke en Tippie boeke. Ek luister ook na baie verskillende Afrikaanse liedjies.
Michael de Beer Ek hou van Afrikaanse leesboeke, veral die Tippie boeke en Vlooi boeke. Ek kyk ook Afrikaanse krieket stories. Ons speel vandag weer krieket. Ek is ‘n bouler.
Chiara Walker Ons luister altyd na Afrikaanse liedjies in Ouma se kar en ek kyk baie goed op televisie in Afrikaans wat my ma en pa kyk, dan kyk ek ook maar. Ek geniet die Biebie en Kalla en Tippie boeke.
Elwee Specht Ek hou van Afrikaanse musiek soos Brendan Peyper en Bok van Blerk. Ons kyk baie KykNET by die huis. Ek en my ma lees saam boeke, soos die Tippie boekie en die Gemaskerde skoonmakers.
Levan Nortjé Ek hou meer van Engelse liedjies en kyk net rugby movies. Ek lees Tippie en Vlooi boeke.
Gia Daib Ek hou van Afrikaanse musiek en luister dit oor die radio. Ek kyk net Liewe Heksie. Ek hou baie van lees, Tippie en Pinocchio. Ek moet nog leer om ‘n Bybel te lees, Mamma lees die Bybel vir my. Ek het baie boeke, maar ek kan nog net Tippie en Pinocchio self lees. (Sy is in Graad 1.)
