Die Graad 7-leerlingraad van Destinata Skool in Meyerton het sedert Februarie diereprodukte soos kos, komberse, bedjies, bandjies en jassies ingesamel vir ‘n dierehawe van hul keuse. Hulle het besluit om die donasies aan Vaalpets, ‘n nie-winsgewende skuiling vir huislose diere in die Vaaldriehoek, te kenk. Vaalpets het op 13 Mei ‘n klompie van hul honde skool toe gebring vir die oorhandiging, en sodat die leerlinge ‘n bietjie interaksie met die diere kon hê. Te oordeel aan die uitbundige glimlaggies van die diere én die jongklomp, het almal dit ewe veel geniet! Vaalpets spreek opregte dank uit vir die skenking. Ander skole of organisasies wat ‘n soortgelyke insameling en pretdag wil aanbied, kan Vaalpets kontak by 072 412 9923.